Ахова жывёльнага і расліннага свету

Адной з важнейшых сучасных задач Нацыянальнага парка “Прыпяцкі” з’яўляецца захаванне фларыстычнага і фаўністычнага асяроддзя. 

Гэтыя задачы выконваюцца службай лясной аховы, у склад якой уваходзяць галоўны ляснічы, інжынерная служба ляснога аддзела і службы тэрытарыяльных падраздзяленняў – лясніцтваў, у складзе якіх аховай прыродных комплексаў заняты ляснічыя, іх памочнікі, майстры лесу і ляснікі.

Адным з асноўных мерапрыемстваў, якія выконваюцца лясной аховай, з’яўляецца захаванне лясоў ад пажараў. Па выніках правядзення комплексных, арганізацыйных, тэхнічных і іншых мерапрыемстваў на працягу апошніх гадоў урон ад лясных пажараў зведзены да мінімуму. Дасягнуты добрыя вынікі аховы лесу ад самавольных высечак. Захаванне лесу ад шкодных насякомых і хвароб уключае мерапрыемствы па арганізацыі правядзення лесапаталагічнага надзору, уліку і прагнозу колькасці шкодных насякомых лесу, прафілактычных мерапрыемстваў і барацьбы са шкоднікамі і хвародамі лесу.

Для аховы жывёльнага свету парка працуе егерская служба у складзе вядучага інжынера-паляваневеда і егера. Ахова вядзецца на ўсёй тэрыторыі парка.

У мэтах барацьбы з браканьерамі арганізавана мабільная інспектарская і егерская службы, праводзяцца рэйды па ахове прыродных комплексаў парка.

Заезд у паўночную частку парка рэгулюецца кантрольна-прапускным пунктам у раёне вёскі Хваенск.