Флора і фаўна

Раслінны свет

 У парку сустракаюцца лясны, лугавы, кустарнікавы і водны тыпы  расліннасці. 

На долю лясоў прыходзіцца больш за 75% яго тэрыторыі. Найбольш шырока тут распаўсюджаны саснякі (45,6% ад пакрытай лесам плошчы) і дубровы (12,2 %). Своеасаблівыя насаджэнні фарміруюць бяроза пушыстая (6,9 %) і бяроза барадаўчатая (12,7 %), вольха чорная (8,1 %), ясень (1,7 %), граб (0,6 %), асіна (1,7 %). Зрэдку сустракаюцца кляноўнікі, ліпнякі, дрэвавідныя вербнікі.

 Флора

 Флора парка прадстаўлена 1073 відамі вышэйшых раслін, сярод якіх 22 віды дрэў і 32 віды кустарнікаў, а таксама 196 відамі імхоў, 184 відамі лішайнікаў, 321 відам водарасцей, 47 відамі раслін, занесеных ў Чырвоную Кнігу Рэспублікі Беларусь. Сярод іх баранец звычайны, воўчаягаднік баравік, кубышка кудраватая, сальвінія плаваючая, гарлачык белы, сон-трава, азалія панційская, сліва калючая, ірыс сібірскі, зубянка клубненосная і іншыя. 

 Фаўна

На тэрыторыі НП «Прыпяцкі» пражывае 45 відаў млекакормячых, 255 відаў птушак, 7 відаў рэптылій, 11 відаў амфібій, 45 відаў рыб, болей за 3300 відаў беспазваночных жывёл, з іх больш 2500 насякомых.  

Млекакормячыя прадстаўлены 6 атрадамі: Насякомаядныя (Insectivora) – 5 відаў, Рукакрылыя (Chiroptera) - 5, Зайцападобныя (Lagomorpha) - 2, Грызуны (Rodentia) - 19, Драпежнікі (Carnivora) – 9 і Парнакапытныя (Artiodactyla) - 5 відаў.

З капытных жывёл найбольш шматлікі алень благародны (до 900-1100 асобін) і казуля (да 500-600 асобін). Акліматызаваныя віды млекакормячых - андатра, амерыканская норка, янотападобная сабака - добра прыжыліся на тэрыторыі парка. Рэакліматызаваны белавежскі зубр (у 1987 г.) і благародны алень (у 1995 г.). На сёняшні час зубр прадстаўлены 3 субпапуляцыямі, у тым ліку 2 субпапуляцыі асноўнага генафонда і 1 субпапуляцыя – рэзеўранага. Агульная колькасць зубровых статкаў – каля 94 асобін. Колькасць благароднага аленя расце вельмі хутка.

Натуральны баланс жывёл падтрымліваецца такімі драпежнікамі, як воўк, лісіца, рысь, лясная куніца, лясны тхор, гарнастай.

З чырвонакніжных відаў у парку маюцца еўрапейская норка (1 катэгорыя аховы), зубр (2 катэгорыя), еўрапейская рысь (2 катэгорыя), барсук (3 катэгорыя), садовая соня (3 катэгорыя), соня-палчок (3 катэгорыя), арэшнікавая соня (4 катэгорыя).

Птушкі. Арнітафаўна Нацыянальнага парка «Прыпяцкі» ўключае ў сябе 256 відаў птушак, што складае 98% ад фаўны пярнатых Палесся і 79% ад арнітафаўны ўсей краіны! З агульнага ліку відаў пярнатых, занесеных у Чырвоную Кнігу Беларусі – 65 сустракаецца ў НП «Прыпяцкі». Гэта больш за 90% птушак-чырвонакніжнікаў ўсей краіны! Сярод іх шэры журавель, чорны бусел, балотная сава, зялёны дзяцел, белая лазароўка, арлан-белахвост.

Пойма Прыпяці – буйнейшае міграцыённае русла пералётных птушак у Еўропе. Пачынаючы з сакавіка, тут нясконцымі патокамі пралятаюць тысячы гусей, качак, кулікаў, крачак, чаек, буслоў, бакланаў і іншых груп птушак.

Віды раслін, занесеных у Чырвоную Кнігу РБ

Віды раслін, занесеных у Чырвоную Кнігу РБ

Спіс рэдкіх раслін Нацыянальнага парка «Прыпяцкі»